 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Вы – дзеці зямлі беларускай?
Ну што вы! Хто ж веры вам дасьць?
У вашай душы заскарузлай
Прыкметаў яе не відаць.
Ня варта, панове, ня варта
Лічыцца вам дзецьмі яе.
Жабрацкая ваша пагарда
На гэта правоў не дае:
Пагарда да роднага слова,
Да мовы, што зь веку вякоў
I верай і праўдай суровай
Жывіла душу прабацькоў;
Пагарда да родных мэлёдый,
Да песень, што з гэтай зямлі
I гучнасьць, і фарбы, і водар
У кожную ноту ўзялі:
Пагарда да памяці продкаў,
Да славы і гонару іх,
Да іхніх мазольных наробкаў,
Да іх курганоў векавых...
Ня знаю, як дзе там на сьвеце,
А ў нас тут праклён быў здаўна:
Калі вы ёй гэткія дзеці –
То хай вас ня носіць яна!
1992
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
